Në debatin qe po zhvillohet në vendin tone ne lidhje me listat e hapura për zgjedhjet e ardhshme është përfshirë edhe Kongresmeni amerikan Eliot Engel. Ai mbështet nismën e opozitës parlamentare për përfshirjen e listave të hapura dhe votën e emigrantëve.
Deputetja Rudina Hajdari ka publikuar deklaratën e kongresmenit Engel dhe e falenderon shume ate për mbështetjen e tij për nismën e opozitës. Falenderoj nga zemra Komitetin për punet në Kongresin Amerikan i cili sot ka dhënë mbështetjen për përpjekjet tona në ndryshimin e sistemit zgjedhor dhe hapjen e listave si dhe për votën e diasporës.
Një inkurajim më shumë për të vazhduar betejën tonë në kete Parlament.
Ndërkohë vetë kongresmeni Engel vlerëson punën për arritjen e marrëveshjes për Zgjedhoren, por thekson se duhet qe të merren parasysh dhe kërkesat e opozitës parlamentare për aplikimin e listave të hapura në zgjedhje dhe për votën e emigrantëve kudo neper bote.
