Në pika të caktuara planetit tonë, rritja e nivelit të dioksidit të karbonit në atmosferë ka shkaktuar ngrohje globale, prej të cilës shumica e specieve të tokës janë zhdukur.
Në të kaluarën këto evente janë shkaktuar nga shpërthime vullkanike por tani Toka po shkon drejt një katas.trofe të zhdukjes masive, si pasojë e aktivitetit njerëzor.
Vështrimi i botës është tashmë i fokusuar te epidemia e koronavirusit, por rreziqet ndaj ngrohjes globale të shkaktur nga njeriu, mbeten të qarta në mënyrë të frikshme.
Shpimet e naftës, aktiviteti i minierave, kanë lënë gjurmën e tyre në katastrofën e pritur.
Para kohëve industriale në fillim të shekulit të 19-të dioksidi i karbonit qëndronte në rreth 300 pjesëza për milionë, që do të thotë se në çdo 1 milionë molekula gazi në atmosferë, 300 ishin dioksid karboni.
Në shkurt të këtij viti kjo shifër shënonte 414.1 pjesë për çdo milion. Ndërsa po të përfshijnë dhe gazet e tjera me efekt serë si metani dhe oksidi i azotit, pjesëzat arrinin në 500 për 1 milion.
Raporti i OKB për klimën vitin që shkoi tha se ndryshimet klimatike kërcënojnë me zhdukje një milionë specie bimësh e kafshësh. Shumë studiues besojnë se klima po arrin pikën e vlimit, që të thotë me efekte shkatë.rrimtare.
Sinjalet e kësaj janë rritja e temperaturave në Arktik, shkrirja e akujve dhe dobësimi i Rrymës Arktike të erërave Perëndimore.
