Shëndeti i aktorit Bruce Willis është përkeqësuar. Aktori 67-vjeçar vuan nga afazia , një sëmundje që shkakton humbje të aftësisë për t’i shërbyer vetes, të folurit apo kuptimit të fjalëve. Familjarët, por edhe ish-gruaja e tij Demi Moore ndodhen pranë aktorit, i cili është në një gjendje të rëndë për momentin.
“Ai nuk flet më dhe nuk kupton më shumë se çfarë thonë njerëzit e tjerë. Familja e di se Bruce nuk do të jetë përgjithmonë, kështu që ata po shijojnë çdo moment së bashku” zbuloi një burim për RadarOnline . Rreth yllit të Hollywood-it janë gruaja e tij Emma Heming dhe dy vajzat e tyre, Mabel 10 vjeç dhe Evelyn 8 vjeç, por edhe ish-partnerja e tij Demi Moore dhe tre vajzat e lindura nga martesa e tyre, Rumer 34 vjeç, Scout 31 vjeç dhe Tallulah 28 vjeç.
Ndërkohë është zbuluar edhe testamenti i aktorit i cili nuk u ka lënë asgjë vajzave që ka nga martesa me Demi Moore, pasi ai ka menduar se ato janë në gjendje t’ia dalin vetë. Shumica e të ardhurave të aktorit do të shkojnë për bashkëshorten e tij dhe vajzat e tyre. Bruce u ka lënë vetëm 1% të gjithë pasurisë së tij tre vajzave të mëdha, përkatësisht nga 1 milion dollarë.
