Home News Mbi 4 milionë të prekur në botë, frike në Gjermani, rikthehet izolimi,...

Mbi 4 milionë të prekur në botë, frike në Gjermani, rikthehet izolimi, ndersa ne Britanine e madhe…

384
0

Numri i personave të prekur me koronavirus në të gjithë botën tashmë ka shkuar mbi 4 milionë, sipas worldometers. Në krye të listës, me me shume persona është Amerika, me 1 milion e 300 mijë të prekur, nga të cilët kanë humbur jetën më shumë se 78 mijë persona.

Në Evropë, Spanja është e para me rastet më të shumta pozitive, me mbi 260 mijë të prekur nga virusi , ndërsa në Britaninë e Madhe kanë humbur jetën mbi 31 mijë persona, më shumë se në çdo shtet tjetër në Evropë.

Ndërkohë, në Gjermani është rikthyer frika pas përpjekjeve të para për t’u rihapur. Një nga landet ka rikthyer izolimin, ndërsa pritet të ndodhë e njëjta gjë edhe me dy të tjerë, shkruan Tgcom.

Në North Rhine-Westphalia, Coesfeld, mbi 100, nga 1200, punonjës të një fabrike të përpunimit të mishit, rezultuan pozitivë me koronavirus dhe kjo detyroi autoritetet të mbyllnin menjëherë fabrikën, duke rikthyer edhe kufizimet. Në Schleswig-Holstein dhe Greiz pritet të ndodhë e njëjta gjë.