Bota e futbollit në zi: Sinisha Mihajlovic eshte ndare nga jeta. Ish-futbollisti dhe trajneri u nda nga jeta në moshën 53-vjeçare nga leucemia akute. Sëmundja e tij u diagnostikua më 13 korrik 2019, u mposht për momentin dhe më pas iu kthye në mars 2022.
Tri vite trajtim, një transplant i palcës kockore dhe rikthimi në stolin e Bologna, përpara se të shkarkohej në shtator, pas një fillimi të vështirë të kampionatit. Serbi, i cili luajti për Roma, Sampdoria, Lazio dhe Inter, ka lënë pas gruan e tij Arianna, vajzat Virginia dhe Viktorija, si dhe djemtë Marco, Miroslav, Dusan dhe Nikolas.
